Monthly Archives: October 2015

Duain kia kartay thay

shab e tanhai main jub aahain bhartay thay
dard e dil ki tum sadaain kia kartay thay

ho chuka sub aah ka samaan sub
jis shoq ki tum duyain kia kartay thay

di tasalli na dil ko na dilasa dia kisi ne
is shab e gum main humain rula sa dia kisi ne

un se rooth pao gay to jaanain gay khoob
hum se to bari jafain kia kartay thay

khoab rahay na aarzoo na raha ab chain koi
bari be taabi se tum balain lia kartay thay

dhoonday na milay gi ab dawa us dard ki
jis dard ki rub se duain kia kartay thay

Dil jalta hai

jub tanhian satati hain to dil jalta hai
udaasian rulati hain to dil jalta hai

khamoshian chaatin hain to dil jalta hai
mehfilain bulati hain to dil jalta hai

jub armaan bikhartay hain to dil jalta hai
aansoo girtay hain to dil jalta hai

raatain jub toofaan ban k barasti hain
aandhian chalti hain aur dil jalta hai

door rehtay ho jubke tum dil se
par yaad jab aati hai to dil jalta hai

rooth gay ab to zindagi ki saari khushion se
saansain ab aati hain to dil jalta hai

kat-tay hain din ab aarzo-e-shab main
dil ab dharakta hai to bhi dil jalta hai